企業改行浮動班 邊啲股最大鑊？

.

疫情令全球33.81億人「宅」在家，大量企業改用留家工作制度。Zoom創辦人袁征更指出，今次疫情既是一次大危機，但亦扭轉一般人過去認為在家工作不可行的想法。

經過幾個月的「社會實驗」，企業或會發現在家工作原來行得通，就可以觸發企業管理層行浮動班制度。所謂浮動班制，即係取消員工自家辦公桌，把全公司改為共用桌椅，再安排員工輪流上班。規模較小企業甚至可以去盡一點，只保留會議室及茶水間用作見客開會，老闆及員工則可以輪流返工，並共用會議室辦工。

假如企業改行浮動班成為新趨勢，有兩類股份將不能避免受衝擊。首先係主力營運寫字樓的收租股，除了持有中上環、金鐘、銅鑼灣的收租股，近年在港島東、九龍東發展寫字樓王國、以企業從中區、灣仔東移為賣點的收租股就更加係重災區，皆因企業改行浮動制，租用面積勢將大縮水，既然慳了大筆錢，倒不如搬回核心商業區提升地利優勢，此消彼長下，以新發展區為地頭的收租股出租率就更加易跌難升。

.

另一遭殃係交通股，近大半年交通股乘客量已經急瀉，假如大部分企業改用浮動制，上班族日日定時定候迫車日子將一去不復返。除了本業大萎縮風險，更大的危機係車站車廠上蓋物業吸引力將大貶值，皆因大家毋須爭分奪秒搭車返工，住處略為隔涉少少也問題不大，反而會放大車站車廠上蓋物業嘈吵、人迫人等缺點，發展商洞悉此情況，就未必再願意以天價搶奪這類項目，交通股以地產項目賺特殊收入難度就越來越高。

.

有輸家當然有贏家，提供遠程辦公軟件企業固然長賺長有，電訊商亦會受惠上班族為工作提升家居及流動寬頻計劃。尚有一隻黑馬，就係連鎖咖啡店，皆因可能唔少打工仔嫌屋企嘈，寧願到連鎖咖啡店坐半日，順便在店內解決早餐或午餐。不過到時連鎖咖啡店為配合浮動班趨勢，可能會大舉摺掉商業區分店，改為在住宅區狂加分店了。

===============

精選資訊網站「中環街市」 臉書粉絲頁