【元朗事變】老闆畀住元朗員工早放 但上司唔放人
經過星期日晚嘅元朗打人事件之後,尋日成個朝早都充斥住一堆白色恐怖嘅資訊,新聞都吹風,話元朗天水圍屯門尋日下晝3點至10點會再有事發生。
所以好多公司都開緊密會議,最後決定畀住喺元朗天水圍屯門嘅員工提早收工,聽講有銀行、大學、電力公司及公營機構都肯提早放人。
之但係老闆ok唔代表直屬上司ok,有家住元朗嘅朋友已經收到放工指令,但上司一於懶理,仲同嗰位同事講:「一陣五點半你仲有個會要同我一齊開,你就咁就走?」朋友即刻同上司講:「我交低啲文件俾你,唔好意思要麻煩你了。」但上司都唔收貨,話朋友係最熟悉成個項目,仲串佢冇責任感。
朋友聽到即刻火起:「人生有好多責任,唔止工作,我保障自己人身安全,係對家庭盡責。」四點公司宣佈俾早放工,但俾上司諸多阻撓、又要拗數、又要「handover」,最後朋友都俾上司搞到五點幾先可以開始執嘢走。
朋友最後想講,呢個時勢仲覺得份工係一切嘅打工仔真係好可悲。大家又認同嗎?
===================
19網輕鬆爆料熱線,歡迎舉報老細同事19惡行,立即click入去講畀我哋知啦