香港股市 將收市,收市時間:5 小時 23 分鐘

其實香港人⋯根本唔鍾意返工

黃子華話,如果講得出「我好鍾意返工」呢句說話既人,一定係鬼上身。

香港地仲有好多返工金句,例如「阻人搵食猶如殺人父母」、「唔好急,最緊要快」等等。

但其實小編覺得,香港人根本唔鍾意返工,唔知大家同唔同意?

現象一:

有兩層樓收租,根本無人想返工﹗香港人返工,係為咗份收入,唔勤力唔只上唔到位,俾老細覺得你唔掂,隨時中年被淘汰,食「老綜」度過餘生。

現象二:

返到公司唔代表返工,成間公司,都係沒有靈魂的驅殼。香港人最叻就係,扮工室偷懶之道,所以話香港人鍾意做嘢,根本係唔了解香港。

現象三:

年年都有好多人想逃出香港旅行,去到歐美日本,你有無試過同自己講「最好唔使返香港」﹗試問咁唔願意離開日本嘅香港人,點會真心想返公司對住老細呢?

現象四:

公司充斥負能量,老細又衰,有啲同事又陰濕,就算你喺公司有朋友,有乜嘢都係放工happy hour先講。平日返到公司都係做場戲,試問你又點會鍾要返公司對住老細同班老中層?除非你好想扮工室政治鬥爭,否則公司張凳,真係坐多一粒鐘都嫌多呀。

其實講到尾,除非你有錢有權勢到間公司你有份,除非你返公司可以小下班細嘅從而獲得快感,否則,小編真係唔覺得香港人鍾意返工。

香港人,你有錢俾我咪開工﹗

唔知你有無共鳴,如果唔同意,不如大家都分享下點解。

===================

19網輕鬆爆料熱線,歡迎舉報老細同事19惡行,立即click入去講畀我哋知啦