香港股市 已收市

【又一單】插畫師開完工被彈鐘

總有啲客人,想又食又拎,最新一單,係發生喺一名插畫師身上,該位插畫師辛苦畫完,點知個客一句就話唔要,張相仲要無落水印;插畫師投訴無門,於是放上網公審…

據了解,原本搵該名插畫師合作嘅客人好聲好氣,所以先引到無簽合約就試工,但點知客人另一位拍檔,卻「出面」走數。

同情插畫師嘅網民直言,對方咁做係「一個黑臉, 一個白臉」,令你上當,下次應該傾好合約同收訂金先開工,仲話係「扯貓尾係老招」。

雖然最後,經插畫師公審完,上面幅圖據說可以收番錢,但其實,此個案在香港像冰山一角,想免費食人隻「車」之人何其多,只能夠講,未收訂就開工,插畫師都有部份責任,下次要小心啲啦。

===============

精選資訊網站「中環街市」  臉書粉絲頁