香港股市 已收市

同事今日仲講許志安

相信各位打工仔尋日都好想安心扮工,但奈何因為突發事件,所以辦公室噪動不斷,各大辦公室紛紛出現以下相同現象:

1. 由尋日lunch起開始睇片,然後成日都在翻睇同一條片,今日繼續上網搵傳聞。

2. Whatsapp不論吹水群組、公事群組都討論同一件事,老細都抽水叫男同事唔好受誘惑。

3. 男同事們躺著也中槍,尤其係已婚男同事,全日不斷被女同事一個接一個以類似嘅題目炮轟,包括「如果係你,你會點?」、「想訪問吓男人心態」、「有得食係咪就會食?」等等。

4. 男同事們繼續中槍,由被質問,發展到被言語攻擊,當中熱門攻擊包括「男人都係信唔過」、「男人就係賤同渣」、「你對得住你老婆/男朋友咩」、「食唔食都係罪大惡極」等等。

5. 平時會跟男同事車嘅女同事都被重新勸喻,「唔好受唔住引誘搞男同事呀!」聽到男同事勁老尷

6. 明明平日六點放工,收工就冇晒人,昨日就七點都唔走,集體公司睇記者會直播。

7. 放工後食飯繼續討論記者會,同事之間已經傾足一個月嘅quota

8. 今日返工繼續討論。 

如果公司有個「八婆指數」(八公亦可),呢兩日一定可以創新高。 之不過,小編覺得,如果今日喺公司仲聽到人談論許志安,其實都幾煩,唔知你有無呢種感覺呢?

===================

19網輕鬆爆料熱線,歡迎舉報老細同事19惡行,立即click入去講畀我哋知啦