【基金論勢】用期權博特朗普贏大選（盧志威）

筆者覺得會爆出大冷門，特朗普連任成功。

身邊開始有朋友打賭拜登還是特朗普會獲勝，正路睇民調，顯示拜登會獲勝。不過，這個世代的民調指標性不高，支持特朗普的選民未必會反映在民調，可能化身為沉默的一群，關鍵時刻影響選舉結果，所以筆者今次用逆向思維，認為多數是五五波，甚至乎拜登爆出醜聞後，特朗普反而稍佔上風，所以筆者覺得會爆出大冷門，特朗普連任成功。

以小博大最正確

由於特朗普傾向維持低稅率，對於傳統股來講有利，而且市場厭惡不確定性，拜登屬於左派，肯定大幅加稅，到時股市一定玩完，所以如果特朗普獲勝，美股會大升。

捉這隻冷馬、黑馬，基本上是逆大勢，機會率較低，所以潛在回報一定要吸引，用期權長倉控制風險，實行以小博大，是最正確的做法，近期引伸波幅大幅萎縮，似乎顯示大選之前股市不會有大波動，將一切留待11月3日決勝負，所以要博方向可以省回時間值，之前唔需要入場。

另外，共和黨的盟友都是傳統石油、醫藥、消費，互聯網並不特別算是友好，所以如果爆出大冷門，傳統股票受惠於稅務減少，可以跑贏一段，又是交易道指的機會，還有就是如果特朗普獲勝，當然繼續逼迫聯儲局維持低息政策，拜登亦唔好得幾多，所以黃金經過短暫整固，有機會在10月底至11月初出現突破，也是值博的期權交易機會。

盧志威

本欄逢周五刊出