外國調查:54% Sales 壓力大到不斷食零食
早前,僱員福利平台PerkBox一項調查指, 3000名受訪英國打工仔中,有54%從事銷售業嘅人承認,因為壓力搞到要「借食消愁」(comfort eat),靠不斷食嘢來減壓。
事實上,做「Sell屎」成日要行行企企唔在講,既要不斷被老細「捽數」拼業績,又要應付野蠻客人,但又唔可以發脾氣,兼要逼自己笑臉迎人。
小編有朋友都係做「Sell屎」,佢一返工,情緒就完全扭曲,所以調查話,唔少Sales日日都感到很多壓力,都算係意料中事。
調查又指,呢班「Sell屎」紓緩壓力嘅方法其實好簡單,就係去自動售賣機買零食,或趁空檔到店外吸煙。不過,兩個做法同樣損害健康,亦會降低工作效率,唔值得鼓勵。
Perkbox聯合創立人兼首席營銷總監Chieu Cao表示,公司對「賞賜」員工要謹慎,應盡量避免請佢哋食垃圾食物,以及提供酒精飲品津貼。
佢建議,公司可考慮提供員工健身會藉費用減免,或舉辦免費瑜珈班等。其實公司咁做,所需支出也相對便宜,可惜僅得13%受訪Sales稱公司有提供類似福利。
[caption id="attachment_33227" align="aligncenter" width="640"]
推銷開單工作真辛苦。[/caption]
無錯,辛苦搵來志在食,但係暴食就另計,畢竟傷害身體。無公司資助去做Gym,也可以一個人跑跑步、透透氣。「Sell屎」最緊要係乜?就係自己強健嘅身體,大家記住啦。
===================
19網輕鬆爆料熱線,歡迎舉報老細同事19惡行,立即click入去講畀我哋知啦