姚子羚示範叫床 山聰讚好聽

姚子羚於劇中的演出甚有喜感。

姚子羚昨日穿上運動bra top現身宣傳活動，撼贏青春少艾的劉穎鏇，搶盡風頭。她自言在新劇中有不少搞笑場面，其中一幕要重現餐廳叫床的電影經典片段，拍檔陳山聰大讚叫得好聽。

藝人陳山聰、姚子羚、劉穎鏇及陳自瑤等昨日為新劇《大步走》宣傳，子羚露纖腰搶晒鏡！講到劇集之前臨時被抽起，山聰笑言：「今次係真，唔會係詐胡。」他指因疫情令更多人做運動，故新劇主題更易引起大家共鳴，所以在宣傳上亦別開生面，舉辦線上馬拉松與觀眾互動：「頭3名可以同演員一齊跑，打破以往宣傳模式。（之前劇集臨時被抽，高層杜之克話會補償？）冇話咩加倍（宣傳），最重要係觀眾鍾意，感染到大家做運動。」

他又大爆子羚在劇中飾演中女做自己，演出甚有喜感。子羚透露在其中一幕要重演電影《90男歡女愛》的經典橋段，在餐廳扮叫床：「我從來未試過喺廠入面咁，現場好多臨時演員，但都OK，效果幾搞笑。」山聰開玩笑謂：「叫得好聽，全部人拍爛手掌。（佢叫幾多次？）佢冇乜NG。」

陳自瑤主力談情

至於劉穎鏇在劇中有大量跑步戲份，其中有一場戲來回跑了數公里：「嗰段時間真係Fit咗，因為跑得多出咗好多汗，拍到連補妝都放棄。」她跟羅天宇有感情戲，兩人在預告片中有咀嘴鏡頭，但她形容非常純情。而陳自瑤則表示主要負責談情，但強調是充滿正能量，她跟張達倫首次合作拍劇就有大量談情戲，初時擔心欠默契，幸好各方面都很有火花。

姚子羚笑到咁，唔怪得跑輸啦！

劉穎鏇與陳自瑤拍此劇付出大量體力，