香港股市 將在 1 小時 28 分鐘 開市

我輪到沙田公屋 呢份係最好嘅生日禮物

1% Anthony

朋友:「今年生日真係好開心!」

筆者:「有乜咁開心?收到份好正的生日禮物?」

朋友:「係呀,咁大個仔,最正嘅生日禮物。」

筆者:「點正法先?」

朋友:「有咗佢,以後生活無憂,盡情洗錢,吃喝玩樂。」

筆者:「咁緊要?有人送咗張信用卡俾你?」

朋友:「唔係呀,我輪到公屋呀,仲要係沙田呀。」

筆者:「……」

文:1%Anthony

延伸閱讀:

月入20,000幾蚊 真係要宣布上車絕望?

夫婦月入$10萬揸$170萬現金 想換樓兼投資 點賺多啲

房署公布公屋輪候人數高達28.5萬人,創歷史新高。一般申請者輪候時間由平均三年增至3.6年。當中非長者一人申請超過14萬宗,即是總數的一半。最恐怖的是,新登記的非長者一人申請,學生竟然佔四成,當中不少是大學生。

不難想像,這個趨勢將會加劇。細心想想,這只是土地問題、房屋問題嗎?其實,最主要是社會結構問題、心態問題。

年青人並未有迫切住屋需要

因為公屋已經不是為照顧有需要人士而設的社會福利,而是眾人心目中的六合彩。有急切需要的弱勢社群固然會申請,但現在是沒有急切需要的,例如正在唸大學的年青人,都爭相去申請。

「需要」與「想要」是兩回事,所謂需要,就是生活必需品,例如沒有工作能力的長者,或長期病患沒有能力照顧子女的父母,他們沒有經濟能力,沒有公屋就吃不飽、穿不暖,甚至要露宿街頭,這就是「需要」。

年青人、學生想要離開父母,自己搬出來住享受獨立生活,沒有公屋是不會吃不飽、穿不暖的,更不會露宿街頭,只是在家裡住多幾年而已,只要多工作幾年,就有能力買樓、租樓。

當然很多年青人會反駁說,現在樓價那麼貴,怎麼買呢?事實上,我們身邊無數有心置業上流的80後、90後年青同學,已經一個又一個成功上車,早幾年起步的,今天已經有兩層樓、三層樓甚至更多。短短幾年的努力,就換來下半輩子的豐盛生活,分別就是在於有沒有去學習、嘗試,及是否願意付出而已。

正如筆者的朋友,他有需要嗎?他跟朋友開舖搞食肆,每個月搵幾萬元,租住700呎村屋,有車、有名錶、有名牌袋,每年去幾次旅行,用女朋友名出糧,自己與家人申請公屋,目的只是想慳番租金,多啲錢洗而已。

靠自己心態已變

上世紀70年代或以前成長的朋友應該會有同感,兒時父母就教育我們,做人要靠自己,談到公屋、綜援,他們的態度是:「有手有腳,點解要靠政府救濟?」

我們這一代,畢業後與父母同住是理所當然的,結婚之後才成家,才搬出去。今時今日,年青人畢業就要獨立生活,有住屋需要了,對於公屋,他們會覺得我們這一代的想法很戇居。

正如筆者朋友說:「有食唔食,罪大惡極!」就連筆者的父母都變了:「有得攞唔攞,咪又係俾晒新移民!」

連父母都棄暗投明,筆者不得不重新審視自己的價值觀,接受吧!有得攞,點解唔攞?點解要捱?人各有志,筆者不反對年青人排公屋,別埋怨為甚麼別人有自住樓、樓收租、有百倍千倍的財富就好了。

 

朋友: 「發達啦!發達啦!」

筆者: 「咩事咁開心?中咗六合彩?」

朋友: 「唔係呀!我終於排到公屋啦!」

筆者: 「恭喜晒!咁但係都未致於用發達嚟形容吓話…」

朋友: 「排到公屋,等如賺到幾百萬!仲唔係發達?」

筆者: 「係?條數點計呢?」

朋友: 「咁你都唔識計架?」

筆者: 「願聞其詳~~」

朋友: 「我而家租嗰個私樓單位,每個月要1.2萬,公屋租金只係3千,即係話每個月慳9千,1年就慳近11萬,假設我仲有50年命,合共就慳到550萬,仲未計私樓嘅租金升幅會快過公屋,你話排到公屋係咪等如賺咗幾百萬吖 。」

筆者:「都唔係冇道理,不過最多只係慳幾百萬,唔係賺幾百萬。」

點會捨得搬走

從自住的角度看,真係唔願走!

公屋輪候人龍愈來愈長,其中一個原因是公屋愈來愈抵住。

居住嘛…不是買,就是租,政府亂出辣招,令到居住私樓成本愈來愈高。先講買,私樓的樓價不斷創新高,不但年青人上車愈來愈難,就算是已經買樓的小家庭,辣招之下,樓價愈高,按揭成數愈低,想換樓也不容易。

看看最近市場推出的新樓盤,三房單位動輒要1,200萬以上,按正常按揭方法,只能做5成按揭,首期就要600萬以上,即是一個中產家庭亦不容儲得到,即使之前買落的細單位升值,也不容易達標。

再講租,其實就算買不起,只要租金平,一樣可以解決居住問題。

然而政府去年年底推出第二套房15%印花稅,錯上加錯!市場的租盤急速減少,租金亦不斷上升,住私樓…成本愈來愈高,條件愈來愈差。相反公屋愈起愈靚,租金又平,相比之下,公屋愈來愈抵住,點捨得搬?

然而從財富角度看,等公屋冇着數喎!

先講輪候公屋,已經需要等很長時間,雖說平均時間需要5.5年,但很多時候需要更長時間,身邊不少朋友在輪候期間,都不敢全力發展事業,例如唔願意搵長工,長期撈散,又例如不會全力拼搏上游等,虛耗青春。

到成功申請公屋,在新的富戶政策下,無論是資產超標,還是擁有私樓,都要交還公屋單位,事業上自然亦會勒住勒住,更加唔敢買樓。

錯過致富機會

然而他們沒想到…自己錯過了致富機會。

做?唔做?…

無論是職場打拼,還是創業創富,做與唔做之間,很多時候只是一念之差,心裡要拼,就會咬緊牙關,心裡有保留,要考慮到自己間公屋,沒必要做,就唔做,事業又怎會有突破?

搏?唔搏?…

買樓是很多香港人的致富階梯,由一個細單位開始,然後樓換樓,然後一變二、二變四…今天不少銀髮族,一擲數百萬,幫自己的子女置業,面不改容,財富從那裏累積而來?

是得還是失

如果為了公屋,事業上唔敢拼,買樓又唔敢搏,是得還是失呢?

是的,租公屋每個月可以節省近萬元,每年就是十多萬,幾十年計就是幾百萬,然而最多只能說是「慳」幾百萬,而不是「賺」幾百萬,真真正正可以賺錢的,是你的資產。

過去十多年,樓價翻了好幾翻,如果像戰友們一樣,把握機會,發揮槓桿,一間變幾間,再翻幾翻,莫說幾百萬,千萬也資產也不難,何必為了等候公屋而放棄機會?

作者為1%投資培訓的地產課程總監,著有《買樓上車防中伏》、《上車又住又賺》、《樓。轉命運》、《工商舖小本投資入門》、《50 萬上車》、《投資買樓賺錢筆記》等等,其博客《第一桶金》總瀏覽量逾300萬人次,曾接受多間傳媒專訪及出任電台地產節目嘉賓主持,並擔任TVB節目「有樓萬事足」顧問。2000年科網股爆破,曾欠下近一年薪金卡數。經債務重組後,2004年股樓雙線出擊,短短四年由滿身卡數打工仔,變出六層樓。其後與投資兵團大舉出擊投資物業,並進軍商鋪、工廈市場,以穩健投資策略,成功變出雙位數物業。

facebook專頁:www.facebook.com/anthony.wealth

致特首…激活二手供應,刻不容緩!

延伸閱讀:

260呎舊屋造假天花 裝修連傢俬$24萬變靚