打工仔宜小心 8個金庸筆下的武林中人

金庸離開了，而他對打工仔嘅最大貢獻，是為大家點出咗，呢個世界原來有千千萬萬個岳不群﹗

以下列出8個角色，大家小心以下武林中人，會喺公司出沒：

1.真偽君子岳不群

扮工室頭號人物，早已在老細面前揮刀自宮，練成辟邪劍法，但喺你面前扮名門正派。

2.阿諛奉承韋小寶

韋小寶遊龍戲鳳，極速上位，背地裡卻係扮工專家，小編見過不少。有韋小寶一日，你唔會上到位。

3.因愛成恨周芷若

講三次，唔好得罪女同事。

4.隔離部門左冷禪

成日八卦你個部門人事調動，想爭資源早出聲。其實只不過係，比起岳不群多了點野心。

 

5.名花有主小龍女

成日同老細出雙入對，明眼人都知咩事，但你唔好知太多，知太多的話，鵰兄都救你唔到。

6.西面太子女黃蓉

太子女想打狗就打狗，最好全世界隨傳隨到。

7.機關算盡慕容復

搞風搞雨是非精，目的都係謀取主管之位。為了升職，他可以不擇手段，見你中伏，再踩一腳。

8.不學無術游坦之

蠢唔緊要，仲要心地唔好，被女上司利用，做兵做到犯眾憎的悲劇人物。

對住上面8類人，你就算有張無忌咁天真咁好打，無防人之心，隨時都會出事。

===================

19網輕鬆爆料熱線，歡迎舉報老細同事19惡行，立即click入去講畀我哋知啦