打工仔必學 5件每日安排好就無敵的事

一早返到公司，打開E-mail，你就見到一大堆要你完成嘅工作。每次見到都會覺得好大壓力，好驚做唔切，又好怕會做漏嘢。有時做做吓，又會突然有啲新嘅嘢彈出嚟要你做，真係忙到踢晒腳。不過，唔使怕，其實有個老套又有效嘅方法可以改善呢個問題，就係寫To-Do-List ！如果識得好好寫清楚To-Do-List，做嘢就唔會有甩漏啦！

延伸閱讀：

留意日期 大型招聘會 中港兩地 3,000個空缺

行業有景 護理員勁加薪吸人才 月入最高 $18,000

Step 1 一早返到去，寫低所有要做嘅工作

好簡單咁將所有要做嘅都寫低先，不論有幾濕碎，都要寫低，咁樣就一定唔會做漏嘢。寫完成個工作清單之後，你心中大概有個譜，知道有咩同有幾樣嘢做。

Step 2 將工作排次序，把將最重要嘅工作排先

有啲係趕住deadline交，一定要做先嘅，有啲可能係可以遲少少做嘅。咁你就唔會做咗啲濕碎嘢，而唔記得做最重要嘅嘢。

Step 3 估計做每件事需要嘅時間

時間分配幾時都係好重要，為咗唔好俾自己hea咗啲時間，而搞都要OT。你一定要計劃好每個Job做幾耐，心中有個預算，就會好好多！

Step 4 安排休息時間

編排完今天嘅工作，記得要留時間俾自己休息。除咗Lunch Time之外，最好加幾次10至15分鐘嘅休息時間。

Step 5 做唔切要出聲

當你寫好個清單，發現實在太多嘢做，係一定做唔切。你可以同上司或者同事傾下，睇下有冇人可以幫手，或者改一改交貨嘅時間。雖然唔一定成功，但係點都好過一定好過最後一刻搞唔掂先同人講。

延伸閱讀：

想吼優質股長揸 滙控港鐵港交所比亞迪點睇