香港股市 已收市

【扮工收風】上司被逼放兩日無薪假

經濟唔好,要減budget,有人覺得減上司好過減下屬,一來你減一個等於人哋減3個,仲可以留返多啲低級職員做啲下欄嘢,絕對划算。 

最近朋友發現,上司突然請多咗假,仲要keep住連住星期六日放,已經兩個月係咁,加上睇返上司其實年中已放晒大假,冇咩可能有咁多假,仲要上司呢排愁容滿面,但又呻唔出咁樣樣。

於是有同事就決定八吓秘書,先發現驚人消息,就係公司要主管級嘅同事,一個月「自願」放兩日無薪假,幫公司節流。 

心水清嘅同事即刻拎起計數機一計,已經計到主管至少冇咗5000-6000蚊人工,都咪話唔少嘢。

===================

19網輕鬆爆料熱線,歡迎舉報老細同事19惡行,立即click入去講畀我哋知啦