香港股市 將在 5 小時 39 分鐘 開市

【扮工收風】做marketing半年要跑5萬數

Marketing嘅悲哀,除咗係人哋放假你開工之外,仲要失驚無神要跑數。小編有後輩舊年大學畢業,一入職就做inhouse marketing,最近聚會見面,見到佢一臉愁容,原來佢係被跑數嚇窒咗。 

話說佢公司最近搞咗個campaign,想吸引多啲香港市民參與,於是一到假期就要四出擺檔,坊間有乜活動,佢哋條team都要擺booth做宣傳。 

但因為campaign推咗一排,反應都唔多好,所以上頭就落旨,話marketing每個人都要跑數,每人座底孭5萬,限期係半年,即係要喺半年裏面,搵多5萬個市民申請,即係一日擺檔至少要有400個,根本就係不可能嘅任務。 

同事個個為咗保住份工,都敢怒不敢言,唯有盡做,但就每日返工壓力都勁大,已經出賣晒身邊可以出賣嘅人。假期都要返工跑數,補假又補唔返晒。Marketing嘅哀歌,究竟有幾多人知?

===================

19網輕鬆爆料熱線,歡迎舉報老細同事19惡行,立即click入去講畀我哋知啦