【扮工收風】升職被問「點解你值得升」

打工仔邊個唔想升職加人工？你話如果間公司full team，冇位升人、冇budget調整人工，都唔會怪你。但小編朋友任職嘅細機構，部門只得5人，但一個月內走咗一個經理、一個助理經理同一個高級主任。公司得返一個高級經理同一個主任留守。

小編朋友就係呢位主任。

但最絕嘅係，呢間公司冇打算請返齊team，只計劃請返個主任，做吓啲paperwork及手腳嘢。於是朋友見到人手唔會加，而工作量肯定加嘅時候，就同高級經理爭取升職加人工。

朋友做主任級，年資大約兩年幾，上司聽到佢想升做高級主任時，都遲疑咗一陣，然後話要同老闆傾吓。 傾咗幾日，得出結果係要朋友做一個presentation，講俾大家聽點解你值得升。同埋你升咗之後對公司有咩好處。

朋友即刻反晒白眼，佢心諗只係細公司區區一名高級主任位，都要吹到自己可以有幾大貢獻？唔知以為自己要爭取做高級經理。更何況喺全部人跳船嘅情況下，佢選擇留低，本身已經救咗部門一命。

朋友唔想做presentation，依家諗緊遞唔遞信好，大家有咩睇法？

===================

19網輕鬆爆料熱線，歡迎舉報老細同事19惡行，立即click入去講畀我哋知啦