【扮工收風】大發展商 睇返工紀錄炒人
裁員潮殺到,睇「返工紀錄」人人自危。
好明白好多打工仔返工,好唔鍾意black and white,除咗因爲擔心被秋後算帳,好多時都因為其身不正或者怕麻煩,所以唔太願意白紙黑字。
但有發展商員工就因為咁,喺裁員潮中招,因為佢平日負責湊小朋友返工,之後先返到公司,所以office hour返8點半,佢就一向10點先返到。
但佢一早拎咗上司批准,話只要佢遲收返一個半鐘就得。但點知經濟唔好,人事部要cut人,就先搵返工紀錄唔好嘅員工開刀。
因為HR睇返工紀錄辦事,加上呢位員工冇上司black and white approval,所以公司決定要即炒,連上訴機會都冇。
呢位員工據理力爭不果,執包袱走人。
所以做任何事都好,白紙黑字都係最緊要,大公司就算上司認數都無用。
===================
19網輕鬆爆料熱線,歡迎舉報老細同事19惡行,立即click入去講畀我哋知啦