【扮工收風】大PR公司拖糧
今年市道唔好,唔同行業都聞到風聲,絕唔係無中生有、或者壓價嘅藉口。
以經濟好、生意接到手軟嘅PR公司為例,早一兩年因為生意好,所以大規模開新team請人,又開設多個海外辦事處,到今年遇著經濟差,就開始「瀨嘢」,仲要連糧都出唔到。
朋友喺呢間PR公司入面做小薯,當同事們都討論緊最近好淡靜之際,公司就出memo俾全體同事,話今個月要遲出糧,仲耐過法例規定嘅日子。
公司內部緊係推話個出糧system有問題,但明眼人又點會信。見勢色不對嘅情況下,其實好多同事都開始搵工,部分人仲預咗自己要減人工轉。 各行各業打工仔係時候都睇定啲喇!
===================
19網輕鬆爆料熱線,歡迎舉報老細同事19惡行,立即click入去講畀我哋知啦