香港股市 已收市

【扮工收風】後生女上位勵志故事

小編前日聽到一位後生女嘅上位智慧,雖然事發已經年幾,但仍不得不同大家分享,呢位後生女到底係幾有智慧。

話說呢位後生女有點美色,係比較ABC那一種。佢一直喺某間外國傳媒機構嘅Marketing Team度做officer,一做就做咗幾年。

年華老去,愈做愈殘,佢當然想走,雖然自己都唔算老,但見同事走,於是佢都遞信,諗住共同進退。

但後生女心靈就好似響鈴咁跪弱,話說個Director出晒力留佢,所謂出晒力,都係事後有人放風,但亦無人解釋到個Director係因為見佢後生留佢,定係工作能力?總之,呢位後生女接受咗offer,轉去幫公司個facebook page跑數。

周芷若都會變滅絕師大,試問世上點會有純情嘅員工?後生女等咗咁耐終於有機會上,點解唔試下坐正?

呢位後生女無辭職,仲好勤力跑數跑咗半年,好快facebook page就有起色;又唔知點解,呢位後生女就升埋title,做咗乜乜高級總監。

當然,Director都唔弱,識得欲擒故縱,於是諗到條縮數,就係一次過炒埋兩件做了十幾年的designer,成條數反而縮到,等有位畀後生女上之餘,又唔會俾老細「後入」。

故事講到呢度,後生女終於露出了尾巴。

後生女上位後,即時將跑數Job甩走,仲將八成workloadA畀下屬同彈去其他部門。可知道A字係職場大忌,引爆同事負面情緒,就係呢個時候,呢位後生女又買樓,又換歐洲車,傳到成間公司都知道。

可憐兩位「牛咁做」嘅Designer,被炒都無仇報,而Director又懶理,等呢位後生女可以厚住臉皮過安樂日子。

小編聽完之後,有以下結論:

「努力真係有回報,如果唔係後生女收收埋埋幾年,如果唔係時來運到把握機會努力半年,今日都唔知去咗邊﹗」

(如有雷同,實屬巧合)

===================

19網輕鬆爆料熱線,歡迎舉報老細同事19惡行,立即click入去講畀我哋知啦