香港股市 已收市

【扮工收風】打工仔唔係聖人 朝早未必工作

做得寫字樓,都應該會feel到每日返工嘅朝早其實都係打工仔生產力極低嘅時段,返到去公司有好多嘢要做,第一件事係用15分鐘整理自己嘅思緒,即係放空,然後用一個鐘食一個早餐,之後再用半個鐘諗吓自己昨晚嘅工作做到邊度,然後再用半個鐘清吓啲email,搞得嚟其實都就放lunch

所以真正做嘢嘅應該係飯後時間。 

朋友上司一大朝早連早餐都未食,就瘋狂emailjob,原來呢個舉動會令一眾同事好反感,加埋email用命令字句叫你「please note and action」又或者「self-explanatoryemail,擺明要焗你即做,又或者做之前自己搵返前因後果呢一類,都非常唔討好。 

所以根據辦公室嘅非正式統計,打工仔唔係聖人,通常一朝早嘅拖延症係最厲害,好多人一收到個job,會用15-30秒快睇一睇上司要自己做乜,然後用一秒快速關咗個email,補多句「低能」,然後再慢慢歎埋個早餐,再用半個鐘至一個鐘嘅時間走去其他同事個位度,講上司壞話,當中包括晨咁早就派job,叫做埋晒啲無聊嘢。 

到打工仔有心情去處理上司嘅工作果陣,其實已經係下晝。所以識趣嘅上司要謹記,打工仔上晝不宜太多工作,如果想減少被背後咒罵,請唔好咁唔識趣喇。 

===================

19網輕鬆爆料熱線,歡迎舉報老細同事19惡行,立即click入去講畀我哋知啦