香港股市 將在 51 分鐘 開市

【扮工收風】老闆娘巡男廁後 向同事開火

做細公司有樣唔好,就係老闆老婆當正自己好似餐廳啲老闆娘,自出自入,仲要咩都管。就好似小編朋友嘅老闆老婆,竟然為咗男廁一堆被遺棄喺廁紙洗手盆旁嘅廁紙,而發晒3個同事老脾。 

3位同事俾老闆娘屈,話佢哋亂將用過嘅廁紙周圍擺。朋友心諗,3條仔,如果去大都沖咗落廁,洗咗手抹手就會直接擺垃圾桶。唔通將用完嘅廁紙拎出去洗手盆用咩?未審先判,大家都唔服。 

老闆娘仲要審犯咁審,之後再加句,「問你地又無人認!」其實同事使唔使為一堆廁紙而講大話呀? 老闆娘有胸襟咪獨立調查,睇CCTV囉。

老闆娘連男廁都巡算,好啦,解釋完,話唔係又唔信,結果西完同事面又唔講嘢,之後同事再去廁所,發現廁紙仲喺原位,應該係「我唔會掂你㗎」咁。

之後同事真係繼續留廁紙係度,同事話無所謂,由得佢留到永永遠遠,阿們!

===================

19網輕鬆爆料熱線,歡迎舉報老細同事19惡行,立即click入去講畀我哋知啦