香港股市 將收市,收市時間:4 小時 22 分鐘

【扮工收風】計到盡HR 將人工拆底薪加津貼

HR嘅庹縮真係愈玩愈高端,大家都知經濟唔好,於是有公司嘅HR就逼合約到期嘅員工簽新合約,然後將同事嘅人工拆開做底薪加津貼,聲稱兩者加埋的話,等於加咗8%人工,然後逼合約同事簽新合約。

之但係,魔鬼在細節,朋友發現,一旦變咗底薪加津貼,之後每年人工加幅只會根據底薪調整,但呢個底薪比原有人工低,即係變相減薪。

同埋公司每年都有雙糧加bonus,依家兩者都只會根據底薪計算,所以13個月糧係講緊底薪計,一個月bonus都係講緊底薪計,加加減減之後,朋友絕對係賺少咗。

聽講,有啲合約同事唔清唔楚下已經簽咗,但有啲就同HR講緊數,講到明一係拎走津貼,一係就加薪連埋津貼都要調整。暫時HR都企得好硬,好難講最後邊個贏呀。

===================

19網輕鬆爆料熱線,歡迎舉報老細同事19惡行,立即click入去講畀我哋知啦