【扮工收風】酒店職員已經4晚瞓酒店
依家呢個時勢,打工仔放工己經唔敢約人食飯,怕遲咗返屋企會冇車搭,晚晚都要諗用咩交通工具返屋企,都咪話唔攰。
之但係唔係所有打工仔都可以日日準時放工唔OT兼趕到車,好似酒店業嘅打工仔,做開酒店入面嘅餐廳嗰班,唔到凌晨十二點都走唔到。
所以酒店見住依家入住率唔太高,都讓出一堆房俾同事免費住,有朋友做酒店業,已經4晚瞓酒店,無返過屋企。
雖然公司呢樣都稱得上係員工福利同德政,但同事都開始住到有啲吃不消,因為好似賣身俾公司咁,幾乎冇晒私人時間。結咗婚嘅同事仲俾另一半埋怨就嚟成星期冇見,自己老公晚晚住酒店。
點都好,小編都係支持公司用唔同方法照顧員工安全同需要嘅,值得欣賞呀!
===================
19網輕鬆爆料熱線,歡迎舉報老細同事19惡行,立即click入去講畀我哋知啦