【扮工智慧】如何能夠減少家用?
最近見網上有人開post講想因為政治立場而暫緩發放家工,但其實就算無政治立場之分,打工仔自古以來都有家用問題,到底畀幾多好,點先可以cut家用,減少開支自己供樓,係好嚴肅嘅問題。
有見及此,同大家討論下點cut家用方法,大家交流交流
方法一:話自己低收入
稅單一定唔可以畀佢見到,網民話一出來打工就要作低,唔係父母好易計到你年資同人工。
方法二:遠離facebook
時下父母開始多用facebook同whatsapp,建議你食好嘢、買好嘢,都唔好貼facebook,免得父母會化肚餓為怨恨。
方法三:旅行貼杯麵相
如果真係畀佢知道你去日本玩,就我閒貼下杯麵或者小食相,加一句「窮遊見到呢啲,真係又平又抵食」,久而久之,就算同你去旅行都唔會太高要求
方法四:成日話就俾人炒
打工仔最大危機係俾父母知道你儲好筆錢,依「仔嘅即係我嘅」大原則,父母會即時幻想會唔會屋企都搞下裝修,反正個仔有的是錢。所以定時定候話就無得撈,間接同佢講,筆錢唔郁得。
方法五:老婆/老公管錢
雖然呢招可能會影響到婆媳關係,但為了有秩序減少作用,唯有出此下策。
方法六:增加見面請飲茶次數
多飲兩次茶,成本可能千幾蚊,話唔定父母會話「乖仔,呢個月唔掂就由佢啦」
方法七:叫兄弟姊妹加家用
其實好多父母心目中,都有一張balance sheet,只要穩定增加,於願足矣。
以上七大方法,用之前真係要問問自己良心,唔到逼不得已,都唔好用呀~~!
===================
19網輕鬆爆料熱線,歡迎舉報老細同事19惡行,立即click入去講畀我哋知啦