雅虎香港財經 【投資專欄】恒指第二隻腳已出，加倉至七成：現在ATM處於見底後的「希望階段」 （弩飛投資）
原來寫嘢真係要持續寫先有動力，停一停，咁就停咗成個月⋯ 其實本來好多嘢想寫，因為呢一個月嘅變化非常大，但係有一日冇寫嘢之後，第二日要寫嘅嘢就多好多，跟住procrastinate多幾日之後，就好似便秘咁，太多嘢塞住咗，搞唔掂⋯ 我決定簡簡單單寫幾句，開返個引擎：
一個大市周期入邊，見底之後嘅階段叫做「希望階段」，係成個周期賺錢最快最急嘅階段，股價嘅升幅主要來自估值提升，而當時嘅盈利仍然係下跌（即係E跌10%，但係PE升40%，股價升30%）。用基本面嚟睇，呢個情況發生係盈利下跌速度減弱嘅時間（e.g 即係之前跌緊20%yoy，而家跌10%yoy）我覺得ATM正正就係而家呢個情況，所以係買入嘅機會(有興趣嘅朋友可以睇吓Peter Oppenheimer寫嘅The Long Good Buy）— 香港嘅情況可以參考吓圖一：白色係恒生指數，橙色線係E，藍色線係PE
3月30日寫咗篇文《尋找第二隻腳》，入面提到假設18000係低位，反彈完之後有機會係43-44日調整多一次到一個較高嘅低位，即係「第二隻腳」，今次出現嘅時間係20500附近（圖二：白色圓圈係買入位），而且開始見到汽車行業向上突破，所以覺得政府係三月出咗政策底之後，市場開始回復信心，係呢個位可以出現「市場底」
今次弩飛係20000-21000中間逐步入市，持倉大約七成。為咗增加持貨能力，買入所有指數嘅ETF（2800，2828，3033，3188同埋3147）打咗個底，希望唔好俾指數追番（因為好多時候我哋諗住買優質嘅股票，但係低位反彈嘅時候，好多劣質嘅股票升得特別多，所以買指數可以cover到）
今次個升勢，暫時主要由兩個行業帶動：汽車同IT，而兩個行業都正正係低估值同埋有阿爺全力支持，比亞迪（1211）同埋美團（3690）分別係兩個行業嘅龍頭（比亞迪應該係因為佢係成條產業鏈比較完整嘅車企）。所以個股方面，弩飛買入四五間車企，當中最鍾意比亞迪（1211）同埋雅迪（1585），IT買咗3033打底之後，買哂ATM，其中最鍾意係美團，仲有唔同行業嘅龍頭，但係注碼唔大
最後，如果要再加倉，我會先睇嚟緊調整嘅狀態係點樣，到時會選擇升得多跌得少嘅行業。
＊文章獲弩飛投資授權刊登，原標題為《第二隻腳·七成倉位》
免責聲明：本網刊載的所有投資意見，只可作參考用途。讀者在作出投資決定前理應審慎，並主動掌握市場最新狀況。若不幸招致任何損失，概與本網無關。而本集團旗下網站或社交平台的網誌內容及觀點，僅屬筆者個人意見，與本集團立場無關。本集團旗下網站對因上述人士張貼之資訊內容所帶來之損失或損害概不負責。
你或許有興趣
【加密貨幣】比特幣急跌一成曾穿21000關口，以太幣亦曾穿1200關口
【巴菲特投資】巴菲特受累美股熊市，巴郡本季帳面損失達650億美元
【市場熱話】魷魚游戲第二季即將推出，或緩解Netflix用戶減少難關
【現金理財邊間好2022】無窮六絕月的零門檻財富「增值大法」大盤點
【螞蟻上市】瑞銀：料螞蟻集團今年不會重啟上市
如欲觀看更多相關文章，請瀏覽 Market Digest
