「提妨假突破、伏咗就要停」
突破,係玩心理多於技術,係「好友」與「淡友」嘅角力,亦係「信與不信」嘅分水嶺。
突破,要有幾個條件:
??首先,要有阻力位/成交量密集區區
??其次,要有勢/上升通道
??最後,要有水
呢幾個point都重要,突破區就係「不信的」走貨,「信的」買貨。當「信的」買曬「不信的」嘅貨,股價就會自自然然向上走。好多時,呢類強勢股係突破前已形成一個勢頭,行緊一條上升通道,呢條通道係for我哋filter。但真正影響我哋落注嘅係「突破時的成交量」,簡單啲理解,一條冇水嘅河道係冇L用,fake人居多。
以上三個條件都要用圖表輔助,圖表係枝盲公竹,可以令我哋提高勝算,但唔代表一定啱。因為呢個世界有樣嘢叫「撚狗」,買中假突破嘅機會亦有,以為係突破位落注冇死,點知就係摸住個頂,接咗貨。再加上有「莊家」呢個角色,佢哋可以用真金白銀畫一幅「假圖」fake曬散户。所以,事前或在突破一刻估「突破」都係50/50。
雖然,局面兩難,但作為機會主義者,都要落注。唯有係注碼上控制風險,成交量密集區落一注,確認突破後再落一注,如果搏中,就繼續坐順風車。
如果第一注搏錯,睇2-3日,如果都企唔返上去成交量密集區就Cut。
開頭講過,玩突破係玩心理,心理戰嘅話,你嘅心態係好緊要。大家要贏谷輸縮,上個星期成個市都幾撚狗,如果個倉連續幾日見紅 or 幾次交易都坐艇,咁就收下手先,調整下心態再入市。