新牌仔揸快車 唔駛一個鐘被釘牌
考到車牌,難免覺得自己大個仔。 都唔好咁快就搞成咁…… 德國一個18歲青年,考車牌成功過關。就喺佢拎到牌揸車返屋企嗰陣,一時得意忘形,揸快咗。 佢學識身為司機最重要嘅一課︰要睇路牌,同埋架車個咪錶。 因為佢喺時速限制50公里嘅路段,揸到成95公里!咁就梗係被正義嘅雷射槍射中啦。
當地一位阿sir好抵死咁話︰「車上面仲有司機嘅4個朋友,可能佢想威俾啲friend睇啦」。 呢個新牌仔,前後只係擁有個車牌49分鐘,就因為超速被釘牌4星期,要罰款約港幣1780蚊,同埋孭P牌嘅期張,由2年增長到4年。 型到盡頭就是_,我好想送一疊P牌俾呢個後生仔。4年,有排用!原文傳送門