日本平成年代快將落幕

日本將於明年4月1日公布新元號，標誌平成年代快將落幕。平成年代予人印象係經濟大崩壞，日本第一神話幻滅，但平成年代究竟係咪一無是處呢？

論倒楣的話，平成確實係一浪接一浪，廣場協議推高日圓匯價，令日企以為可以透過在海外設廠及大舉收購兩路出擊買起全世界，最後代價係泡沫經濟爆破，平成年代日本經濟增長率長期徘徊1%水平，大企業從海外大撤退後，當中更有不少走向被迫合併或申請破產保護之路。

不過凡事總有一體兩面，告別高增長某程度上扭轉了全民賣命工作模式，打工仔及學生更享有周六、日休假「福利」，以合約制或外派方式受聘的新生代，更已醒覺工作不是一切，私人時間及生活更重要，賣命式工作只是昭和年代走到今日所謂企業戰士死守的「理念」。

至於海外戰線，懂得玩「平而優」的日企仍有相當的競爭力。代表例子係成功在歐洲搶灘的迅銷，還有在亞洲持續擴張的平價餐飲日企。

平成之後，相信最大挑戰係人口老化。暫時日本應對策略係輸入外勞甚至放寬移民限制，但能否像英國般把外來人口大融合，甚至新移民可以擔任市長，對這個島國踏入新王朝應是一大考驗了。

===============

財經短打精選網站「中環街市」 臉書粉絲頁