雅虎香港財經 日本排放核廢水｜K Kwong稱「唔怕」不支持政府禁令 網民質疑害人 回應「可用道理講贏我」
日本政府今日（24日）起排放福島核廢水入海，港府亦於同日起禁止日本10個都縣的水產進口香港。不過，人稱「化學教父」的化學博士K Kwong（鄺士山）昨日（23日）就在Facebook發文揚言「唔怕」核廢水，將於短期內到日本遊玩及進食水產，並表示「唔好同我爭」。
帖文引起網民熱議，有人認同他的看法，亦有人批評「請不要以為自己是最權威、最有料的科學家！不要誤導人，害人！」，K Kwong則回應「我冇咁講，不過你可以用道理講贏我」。大部份網民則指，是否進食日本水產是個人選擇，「嗌咁多做乜？覺得無問題就去日本，覺得有問題就唔好去」、「信唔信每個人有佢地嘅自由」。
不怕核廢水原因是濃度低
K Kwong以「食日本嘢」為題發文，以問答方式一次過解答網民的問題。他直言不支持港府禁止進口海產，稱其是「搵嘢嚟做」。不過，他稱一向較少在港進食日本料理，所以禁令對他「冇乜影響」，因為本港貴過日本好多，亦冇咁新鮮，因此他會「飛去日本食」。
K Kwong解釋，不怕核廢水的原因是濃度低，但認同日本東海再有地震的風險很高，「所以積埋咁多污水唔係好事」，「驚佢啲核污水未排晒就再一次『東海大地震』，咁就一次過乜Q未處理過嘅污水就排晒落海」，屆時「全球漁業真正大鑊」。
他強調，即使日本排放核廢水落海，農產品亦不受影響，因為「海嘅水係上唔到陸地灌溉系統嘅」，又指氚及碳14不會永遠留在體內，因為這些生物半衰期只得幾日。
揚言「個孫都食日本生果」
對於有網民質疑「係咪你自己唔怕死咋」及「如果啲水冇事點解你唔攞嚟飲？」，K Kwong則指「我個孫都食日本生果喎」，又解釋「係經過海水稀釋咗嘅水無事，即濃度低到冇影響，但係我唔會飲海水」，更稱「尿都冇事我都唔會攞尿嚟飲喎」。
至於港府自今日起禁止源自東京、福島、千葉、栃木、茨城、群馬、宮城、新潟、長野和埼玉10個都縣的水產品進口，包括所有活生、冷凍、冷藏、乾製或以其他方式保存的水產品、海鹽，以及未經加工或經加工的海藻輸入香港和在香港境內供應。
