林一鳴踢爆 MyTV Super付費用戶將見頂？

MyTV Super被指「付費訂戶總數120萬」有問題⋯

曾志偉回巢無綫已超過半年，人事調動已經盡出，而另邊廂ViuTV則繼續搶攻，《全民造星IV》亦已開播，影視娛樂大戰進入第二個回合。

不過今日香港著名資深投資者林一鳴就有篇文可謂「直插大台心臟」，曾志偉應該睇睇。

下載Yahoo財經APP

美股、外匯、加密貨幣免費即時報價，自選投資組合獲取相關新聞提示

「難道有八成用戶唔使畀錢」

該文主要指出過去數十年買511的都要輸錢，TVB最後賺錢年份已經是2017年；睇大台盤數，MyTV Super「付費訂戶總數120萬」收益對不上，「難道有八成用戶唔使畀錢」，此外林一鳴也認為Big Big Shop發展不甚理想，半年訂單總值僅值HKTVmall 3日訂單云云。

文章一石激起千層浪，不少香港寬頻用戶「上水」回應指很多MyTV Super戶口是香港寬頻免費贈送。

依林一鳴思路，如果這是「付費訂戶真相」，那麼MyTV Super的付費用戶即將見頂，皆因香港寬頻其實已推出Disney+特別早鳥優惠，合作重心料會轉移到Disney+，日後「寬頻Plan」好大可能轉sell迪士尼，也不必「送上」MyTV Super戶口。

「寬頻Plan」將會以迪士尼為賣點 (SOPA Images/LightRocket via Gett)

「寬頻Plan」轉sell Disney+

回顧2017年，距今TVB到底發生了甚麼事？4年間本港經營環境發生太多變化，舉單一原因未免穿鑿附會，勉強來說，期間所發生的「大事」，除了2017年林鄭上台那些政治因素外，分別有3件事，一是2016年Netflix開始進軍香港，二是全球爆發疫情，改變香港市民娛樂模式，更大程度接受海外平台娛樂，三是2018年ViuTV開始製作《全民造星》，往後幾年，MIRROR與ERROR崛起，TVB在召曾志偉回朝後才急起直追。

TVB報警後，曾志偉回應「競爭係一定有但要公平」 (South China Morning Post via Get)

TVB上個賺錢年份是2017

早前TVB報警稱被網絡欺凌，事後曾志偉回應「競爭係一定有但要公平」。照咁睇，疫情令Netflix崛起本身的確唔多「公平」；娛樂競爭國際化，「寬頻Plan」送Disney+，比睇TVB劇集吸引，市民受唔住誘惑轉會唔做「付費用戶」，TVB賺唔到錢，可能真係「市民嘅錯」。