深圳搶買樓？ 點解有錢人都要淋雨

最近內地朋友傳來一則訊息，見上面寫著「盛世，千萬富翁滿街走」，並附上幾張深圳排隊買樓的圖片，於是心生好奇：深圳真係咁多千萬富翁？

【相關搜尋】90後女護士為買樓做私影model

今次引起哄動嘅，係華潤城潤府三期，內地媒體形容「轟動整個深圳市」，除了排隊人龍長達5公里，媒體更關注，點解「千萬富翁都要淋雨」；有傳言「有人離婚去買房」，當然「離婚買樓」之說，事後遭官方否定，相關部門已介入調查。

根據報道，該樓盤地段鄰近三條城市主動脈，屬於名校區，更重要嘅係該樓盤係第三個搖號選房項目，開價每平方公尺8.5萬元人仔（75295~92664元），平過二手樓，所以先咁多人爭。

以深圳上年GDP約22400億元人仔，人均GDP只得2.71萬美元（21萬港元）睇，比香港的人均GDP 4.52萬美元（35.3萬港元）相去甚遠，以此實力，除非深圳居民每位都累積了大批財富，否則不可能滿街千萬富翁。

有內地朋友透露，其實個盤，大家都係買來博轉手，因為新樓比附近二手樓仲平差唔多200萬人仔，當然仆倒去排，可謂買到即賺，再者幫人排隊者亦不少，從來「排隊不代表有錢買」﹗

筆者聽完，立即明白晒。

來源：微博與綜合內地媒體

===============

財經精選資訊網站「中環街市」 臉書粉絲頁