港女講日：一個人的精彩！細數女生5大單身好處

現代人越來越奉行不婚主義，周街都係「黃金剩女」，不過唔結婚就唔代表冇人要，好似日本女星長腿女星菜菜緒，

就喺電視節目《スッキリ》上分享個人婚姻觀，自爆唔想結婚。

作為時尚模特兒，菜菜緒成日著華麗婚紗、戴閃爆鑽戒，對結婚相關事情已經麻目哂，加上覺得婚姻好複雜，就算遇上理想對象，都唔會恨嫁!不過有觀眾就認定佢係做緊人第三者，所以先唔鍾意婚姻。或者因為菜菜緒「惡女」形象太深入民心，令人有錯覺佢係壞女人吧…

身邊都有好多高顏值靚女冇結婚，其實只要活得精彩，單身女一樣可以有充實人生，而且好處多多:

1.社交圈子更廣闊

單身人士唔會有異性冇人性，會較頻繁與親戚朋友聯繫，同時亦會更多機會去幫人，令快樂指數上升，保持心理健康，所以「其實自己一個更開心」唔係冇根據呢!

2.身形更健美

有人話有一種幸福叫「幸福肥」，不過愛美嘅女生點都想keep fit多過fat，拍拖節目不外乎飲飲食食，難怪會令身形走樣，反而單身人士就有更多時間做運動，BMI平均會比有伴侶嘅人士低，意味健康指數亦都會更好。

3.有思考人生嘅空間

單身令人有更多空間去思考、反省、了解自己、調整自己喺各方面發展嘅步伐，當一個人識得享受自己嘅單身時光，唔會覺得孤單寂寞，同時會激發個人創意及生產力。

4.心理質素較好

「單身狗」能夠無懼被人追問幾時拍拖、又唔怕大時大節被閃光彈閃盲，唔會積壓太多負面情緒，比已婚人士嘅心理質素較好。

圖片來源：twitter.com/NANAO1028