香港股市 已收市

港幣100蚊變藝術品 蘇富比45萬成交

股海好多人「點石成金」,可能都唔及人哋一筆。

如果你無睇到蘇富比秋拍,咁你真係走漏眼,話說今季拍賣好多奈良美智嘅作品,其中一件,竟然係一張港幣100紙。

根據資料,該「作品」係奈良美智於2011年用水筆,在2003年版、2008年發出的匯豐100蚊紙創作,最終連佣金45萬港元成交;經奈良美智幾筆,100紙升值了差不多4500倍,你話犀唔犀利?只係真係唔知,金管局會點睇?

如果有留意呢幾日拍賣,其實焦點係落喺畫布作品《背後藏刀》身上,最後以HK$1.95億元成交,奈良美智藝術品,一躍而成「日本最貴」。咁100蚊紙比起上來,真係唔算係咩大創作,少人留意都正常。

不過睇返呢張「紅衫魚」,本身都真係幾值得紀念。當年3月,大班鄭海泉成為首位華人執董,係該行創辦一百四十三年來,首位華人擔任有關職位,當年「香港銀行家」真係一個奢侈品牌嚟;而匯豐股價仲係「紅底」,之後就一蹶不振了。

來源:sothebys

===============

精選資訊網站「中環街市」  臉書粉絲頁