【熱話】傳派HR遲早被全部淘汰

唔少機構近年好好著重人力資源嘅創新，講平等、講福利、講共融，掀起咗公司之間嘅良性競爭。所以以前HR欺壓員工嗰一套，雖然仲有唔少公司用緊，但其實好多公司都慢慢傾向請一啲唔係HR出身嘅HR阿頭，希望帶來一啲新氣象。

新派HR阿頭有以下做事方式同特徵：

無歷史包袱

傳統出身嘅HR，仲係以為幫公司慳錢係首要任務，呢個雖然係事實，但都有高手同低手之分，依家間間公司都鬥緊企業社會責任，於是體貼員工變得好重要，新派HR因爲冇做壞mindset同手勢，所以可以輕易迎合潮流。

有交際手腕人際關係

傳統HR因為成日都喺權力核心，久而久之，非常離地，開口埋口都得罪人。新派HR就好識企喺員工立場去思考佢哋面對緊嘅問題，只要唔係令成本同工序大增嘅建議，新派HR一般都會take，所以同其他部門同事好friend。

整體利益思考

新派HR Head，有啲Sales出身，有啲就PR出身，明白業績嘅重要，但更加明白人事策略係應該以公司整體利益及公司品牌形象等角度去考慮。傳統HR唔會花時間認識公司商業層面，一味只識得管住員工。

充滿彈性

以前人搵工，今日工搵人，HR請人嘅思維更有彈性。冇上send application letter，咪自己上linkedin三顧草蘆囉。搵到個好正嘅candidate，但佢攞唔到假嚟見工，咪就個candidate去佢公司附近傾囉。最重要只有一點，就係呢位candidate對公司發展嘅重要性。

尤其依家90後員工當道，仲用傳統HR手法管人？小心佢哋全部裸辭呀！

來源：綜合facebook

===================

19網輕鬆爆料熱線，歡迎舉報老細同事19惡行，立即click入去講畀我哋知啦