【熱話】同事真係當IT係汪汪狗

職場針鋒相對都唔夠，就連網上討論區都忍唔住要掀起罵戰。事緣係有打工仔網上寫文惡言針對IT同事，講到明當IT同事係出氣袋，真係當做「IT狗」﹗

呢位打工仔話自己有一次，喺公司做嘢做到躁底之際，特登踢鬆個電制，再Call IT支援同事鬧佢電腦壞，逼迫佢9秒9跑過來，仲形容「見佢哋成隻狗咁又跪又趴係到插電制，真係好想笑」。

IT同事插完之後，佢就賴係 IT同事搞到佢份document無咗，當正IT同事係出氣袋，認為IT只係一班讀唔成書連保安都做唔成嘅垃圾，言論非常挑釁，差在未講：「乜唔係咩？」

結果，變態同事當然引來大批網民批評，話樓主唔識嘢。IT 唔止得IT支援，好似Programmers 起薪17K，分分鐘一畢業就高人工過你。

亦有人透露得罪IT其實冇好下場，試過有IT支援人員為咗對付賤格同事，特登幫佢check吓部電腦過往去過邊啲色情網站，後果當然不堪設想。

起底最強嘅，IT敢認第二，HR都唔敢認第一呀﹗

其實乜工種都好，最緊要係尊重，因為打工仔世界，沒有誰比誰高尚……全部人都係老闆的出氣袋。

來源：香討

【相關搜尋】IT人起薪點

===================

19網輕鬆爆料熱線，歡迎舉報老細同事19惡行，立即click入去講畀我哋知啦