【熱話】巴士司機最怕BB車?
司機最忌就係同乘客口角,因為無論拗贏定拗輸,最後蝕底嘅都係司機自己,因為好多乘客係會唔理智咁投訴到你被處分為止。要數近年司機最怕嘅,莫過於一眾牛龜咁大架嘅BB車。
最近有網民就目睹巴士司機同乘客因為bb車爭拗嘅場面。事緣係有媽媽拎住架bb車上巴士,連人帶車企左喺輪椅位度(bb車上有bb㗎)。
車長同佢講:「麻煩收起架車。」 點知個阿媽大大聲話:「我個b瞓緊覺。」 車長話:「唔收車,我唔會開車。」 個阿媽當然勁嬲:「我不嬲都咁搭巴士,個個都唔話我,係得你一個話我,我個b瞓緊覺,我點收車?……」下刪一百幾十個字。
車長就拎住個守則,堅持上巴士應該抱起阿b收車。因為萬一行車途中有咩事,責任邊個負責? 但亦有人指車長不近人情,既然有位,而bb又瞓緊覺,應該通融體諒一下。
所以車長呢一行愈來愈大壓力,與其話怕遇到BB車,不如話怕遇到怪獸家長啦!
來源:生仔要考牌
===================
19網輕鬆爆料熱線,歡迎舉報老細同事19惡行,立即click入去講畀我哋知啦