香港股市 將在 3 小時 7 分鐘 開市

【熱話】新世紀賤男「偷食」偷到被炒魷

最近職場的網上熱話,莫過於有網絡作家「偷食」偷到連份工都冇埋。呢單嘢,雖然已經唔係最hit,你未睇過嘅箇然要睇,但當中實在有警世意味,值得一說再說。

據偷食的男人透露,男人偷食,向來有三大原則,一個係唔好偷食公司女同事,一個係偷食得嚟唔好大條道理(偷食應該內疚),三就係唔好偷食到影響自己份工,因為留得青山在,哪怕無柴燒。

點知,今次呢位網絡作家,就咁燒焦。

事件最初只係一名單親媽媽在Facebook的媽媽group留言,形容自己老公係一位網絡作家,因為老公偷食,所以離婚。呢位單親媽媽講到,同分咗居嘅老公同居前,對方已經成日帶女仔返屋企瞓,對象超過十位,十位都係自動獻身嘅女粉絲。

單親媽媽經常收到來歷不明嘅facebookIG 截圖,全部都係老公係度「呃蝦條」,情慾對話之外,最過份係閃卡同有片。 

於是,媽媽帶埋個仔搬出去劏房住,點知個死佬冇交租同cut電話,搞到呢位單親媽媽俾業主追數,逼於無奈,單親媽媽唯有上網求助。

點知,一石激起網民大起底,呢位咁冇良心嘅網絡作家真身曝光。 

原本,見慣男人偷食嘅網民都無咁嬲,點知位作家仲要上網訴苦,結果愈鬧愈大,最終逼到作家背後做緊間公司出聲明,同網民交代已經炒咗呢位負心漢,講到明公司旗下子公司都永不錄用。 

件事警告大家,平時有幾意氣風發都好,你私人生活唔檢點,老闆一樣可以話你影衰公司炒咗你,炒咗你,以後就更加無得偷食。唔好以為「偷食」只係私事,如果想食完包「蝦條」做「最後武士」,除非你自己係老闆啦。 

來源:FTM全職媽媽聯盟

===================

19網輕鬆爆料熱線,歡迎舉報老細同事19惡行,立即click入去講畀我哋知啦

【相關搜尋】6個賤男哄女上床的藉口