香港股市 將在 9 小時 22 分鐘 開市

【熱話】有外傭被發現 用僱主支牙膏

一朝早,外傭group一個post就成為熱話。

話說有僱主上網分享,自己最近才發現剛做一個月的「新姐姐」,原來一直與家人共用同一枝牙膏,她深怕有衛生問題,問可以點做。

點解會發現?該名僱主解釋,姐姐新來報到時話自備牙膏,點知遲遲不見新牙膏出現,一問之下,先揭發案件。

其他主婦對此議論紛紛,有人同小編一樣唔明白「牙膏有咩問題」?有人直言「又唔係牙刷」,有人就覺得,其實重點係「唧牙膏時會唔會接觸到刷毛」。

不過,該post真係有僱主自爆,試過發現外傭用主人枝牙刷,仲話呢啲好多時都防不勝防:

「太噁心了,攪到我要將牙刷毛巾搬返入房,真係好痛苦,自己家都要咁,問佢竟然答我唔知道點解我支牙刷會濕,唔知點解我支牙刷有薄荷味,成屋得兩個人,我用中藥牙膏無薄荷味,得佢用黑人牌⋯⋯」

如果係你僱主,你會點做?有潔癖嘅人,係的確難接受到。

【相關搜尋】共用牙刷的害處

===================

19網輕鬆爆料熱線,歡迎舉報老細同事19惡行,立即click入去講畀我哋知啦