香港股市 已收市

【熱話】的士司機遇上無理拜山客

的士佬最怕遇著無理乘客,隨時被放上網公審!事緣係有女網民coffee聲稱的士司機「拒載、又濫收車資、即係黑的啦」事件,原本係想集合網民力量,聲討司機,後來發展到當事人被圍插。

女事主提及喺粉嶺雍盛苑截的士,「諗住包車或者照錶收費兩個鐘」,同家人親戚上山拜爺爺嫲嫲同埋爸爸;結果,前面司機好聲好氣話唔想去,問後面司機包車幾錢,再問咁跳錶呢,點知司機話:「1000咪同你去囉!」於是呢句就激嬲女乘客!

女乘客憶述,當時她說:「你即係拒載啦,又濫收車資,即係黑的啦?!」 「咁我就影佢車牌諗住投訴佢,佢再影返我喎,咁咪同佢嘈⋯」 「佢話我冇俾錢即係冇濫收啦,佢講到道理好似响佢道咁,車頭放住4部電話,一睇就知做開折頭或者鍾意接大旗嘅人,開到一千蚊你估我水魚呀?」

此強帖一出,即刻被網民罵爆,撐的士司機因乘客提出包車而出價係無錯,而且包車服務明文規定「的士車主和租用人可透過合約方式, 以整段時間方式租用的士, 並自行訂定收費」。

所以如果乘客要求跳錶兩個鐘,其實對的士司機來講,完全無肉食。因為「的士係點對點交通服務」,乘客需要在車上等待,錶頭會變成計時,每分鐘$1.2,咁一個鐘只會跳盡$72,但的士普通行車運作係計km的,所以司機唔會咁樣等你。

見到乘客同司機成日有爭拗,司機形象都唔多好,但其實呢個世界好多人都仲會講道理,而真理永遠在對嘅人身上。

職場眾生,共勉之。

來源:facebook

===================

19網輕鬆爆料熱線,歡迎舉報老細同事19惡行,立即click入去講畀我哋知啦