香港股市 已收市

【熱話】電視台請人 福利竟然是 免費坐專線巴士

某堆填區電視台近日出post請人,但就破天荒在facebook出動到創意廣告,公開招聘,仲押晒韻咁數出入職條件,就係「人要捱得、橋要高汁」。 

佢地請緊嘅主要係助導、導演、文字創作、2D/3D動態圖像設計呢類工種,招聘廣上仲開玩笑咁講出一大堆福利,包括「藝人見得到、待遇仲幾好、免費乘坐巴士專線628、勤奮上進自然發」。 

不過網民對呢個創意招聘廣告嘅睇法就好兩極。有人就認為呢間電視台終於show返應該有嘅創意,話晒請緊嘅係講求創意嘅職位。就算係人都知福利唔會點好,但起碼都呃到人先。 

不過亦有人覺得佢呢個招聘廣告其實創意一般,屬於「估得到」類別,驚喜欠奉,加上用免費628城巴接駁做宣傳,唔多夠誠意,仲有啲「趕客」,因為有得坐車接駁,根本唔係咩福利……

唔知各位見慣世面嘅打工仔又點睇呢? 

來源: See See TVB facebook

===================

19網輕鬆爆料熱線,歡迎舉報老細同事19惡行,立即click入去講畀我哋知啦