【男人最痛】英國首相約翰遜 人工真係低

.

今日有英國媒體報道，英國首相約翰遜因嫌人工低，而有意在明年初請辭。

事實上，約翰遜未當上英國首相前，年薪一度高達107萬美元（83萬英鎊），包括其MP年薪、演講、版稅與寫專欄等收入，單單《電訊報》一個專欄，已為他帶來36萬美元年薪收入。

但拜首後卻年薪大跌八成，年薪只剩 19萬美元（15萬英鎊）﹗再加上搵慣使慣，感情生活「多姿多采」，前年與第二任妻子離婚，約翰遜今年初又宣佈與拍拖兩年的女友西蒙斯（Carrie Symonds）奉子訂婚。前前後後，報道指有國會議員踢爆他要供養六名子女，又要支付贍養費；而最近又有傳媒踢爆他多年前瞞妻與人one-night stand，暪妻風流多年。

男人風流成性，但身邊無個錢，真係男人最痛，所以該報道指約翰遜向黨友抱怨，又的確令人同情。

盛傳Jennifer Arcuri（海報右）是約翰遜的「一夜情」對像，而女方亦已公開承認。

英國首相份糧，放眼全世界，又真係偏低，大家睇睇頭20名高收入領導人便明白約翰遜的苦處：

1. 新加坡總理李顯龍 161萬美元

2. 香港特首林鄭 56.8萬美元

3. 瑞士財政部首長毛雷爾 48.3萬美元

4. 特朗普 40萬美元

5. 澳洲總理莫里森 37.8萬美元

6. 德國總理默克爾 37萬美元

7. 紐西蘭總理阿爾登 34萬美元

8. 茅利塔尼亞總統（時任）阿齊茲 33萬美元

9. 奧地利總理庫爾茨 32.9萬美元

10. 盧森堡總理貝特爾 27.8萬美元

11. 南非總統馬福薩 27.3萬美元

12. 加拿大總理杜魯多 26.7萬美元

13. 比利時總理米歇爾 26.3萬美元

14. 列支敦士登首相哈斯勒 25.5萬美元

15. 丹麥首相拉斯穆森 25萬美元

16. 瑞典首相勒文 24.5萬美元

17. 冰島總理雅各布斯多蒂爾 24.3萬美元

18. 愛爾蘭總理瓦拉德卡 23.4萬美元

19. 瓜地馬拉共和國總統莫拉雷斯 22.7萬美元

20. 法國總理馬克龍 22.1萬美元

而英國首相約翰遜，就只得 19萬美元（15萬英鎊）年薪。

.

當然，首相年薪係要同國內薪金水平比較，而英國平均年薪為9.2萬美元（71000英鎊），各行各業，一般年薪由2.3萬至41萬美元不等，照咁睇，約翰遜人工真係偏低了。

所以，約翰遜離開政府搵真銀，絕對會比之前更強。好似林鄭咁講，依家「唔跳槽係因為有承擔」。

===============

精選資訊網站「中環街市」 臉書粉絲頁