「痞子5人組」行運一條龍 周嘉洛陳瀅帶隊出埠 開個靚頭

張頴康（左起）、JW、朱敏瀚、陳瀅及周嘉洛合體祝大家兔年樣樣好。

藝人陳瀅、周嘉洛、朱敏瀚、JW及張頴康剛於台慶頒獎禮獲獎，踏入兔年即報喜，除了再合作開劇，5人更將結伴免費去旅行，行運行到落腳趾尾！

因合作劇集《痞子殿下》，造就陳瀅、周嘉洛、朱敏瀚、JW及張頴康五人結緣，早前更齊奪「最受歡迎電視拍檔」獎，周嘉洛則成為最年輕「最受歡迎電視男角色」得主，幸運度爆燈。

踏入兔年，5人率先報喜，透露《痞子殿下2》最快3月正式投入拍攝，而他們更獲公司「一手撮合」，稍後會合作出埠拍旅遊節目，可謂「想嗰樣有嗰樣」。雖然地點未落實，但能寓工作於娛樂，教他們難掩興奮心情。

張頴康諗嗰樣有嗰樣

回顧拍攝《痞》劇點滴，5人最高紀錄試過逾50小時不眠不休，加上酷熱天氣及蚊蟲等「折磨」，令眾人患難見真情！他們異口同聲表示：「攰到拼埋幾張櫈就瞓，隔籬有人拆景、搭景完全冇反應，蚊怕水好似噴到入咗血咁，所以得獎對我哋真係好有紀念同價值。」張頴康則認為這類題材的劇集開拍機會難得：「估唔到依家願望（拍續集）即將成真，繼續努力玩落去。」

談到新春難忘事，周嘉洛自爆：「2019年我攞飛躍進步獎，過農曆新年大家期望我派利是，我惟有去銀行撳機，然後問道具手足借利是封，不過佢哋得白封，我咪用金筆喺上面寫個『掂』字！」結果大受歡迎，更成為他派利是的標記。問到今年利是是否加碼？他說：「我未有實力，等同今次得獎，應該要繼續努力，令自己他朝真係有資格。」

而JW表示去年新春於家中開賭局做莊，讓大家發新年財：「Lucky Money嘛！我覺得今次大家攞獎，係因為舊年攞咗我啲錢！」

陳瀅將於3月投入《痞2》拍攝。