雅虎香港財經 【移民前Fact Check】移民首選英國VS加拿大 收入、稅項、日常開支你要知
除了英國為數十萬持有BNO嘅香港人提供入籍途徑，加拿大最近都宣布放寬港人移民限制，2021年開始開放香港大學生申請工作簽證，讀完仲可以直接申請永久居留。考慮移居邊個國家嘅邊個城市之前，不妨跟住著數專員從收入水平、稅項同埋日常生活開支比較一下，了解多啲心儀嘅地方從而做好預算計劃，到真正準備時就自然更輕鬆啦！
移民英國、加拿大收入比較
首先列出三地在職人士 (只計算全職) 收入，以月入中位數比較之下，香港人收入只係呢英、加兩個國家打工仔嘅6%；而英、加兩國全職人士月入中位數只係相差1%左右，但加拿大按省份會有唔同嘅時薪最低工資，最高嘅可以去到HK$94.7，即係香港嘅2.5倍！
移民英國、加拿大稅項比較
比較完收入，就輪到每個打工仔每年見到最唔開心嘅銀碼—綠色稅單上面見到嘅數字。雖然香港平均收入比起英、加兩國都差一大截，但勝在稅制簡單；相較起來，英國除左收入較高嘅人士薪俸稅最高會去到40%，年收入高於一定水平人士仲要再交額外稅率。
另外，同香港唔同，打工仔喺英國同加拿大都分別有薪俸稅以外嘅稅項。以英國為例，只要年滿16歲或以上，年度入息超過8,632英鎊嘅僱員，或每年收入6,365英鎊以上的自僱人士，就需要支付入息約12%嘅國家保險，以供失業援助、退休等福利支出。而英、加兩國都有一樣香港暫時仲未有嘅消費稅，雖然無需額外繳付，但就會轉嫁到以下落來講到嘅日常開支度喇。
移民英國、加拿大日常開支比較
日常開支離不開食、住以及交通，網站Expatistan就收集左來自不同國家嘅生活水平開支，並各以幾個較有代表性、而且各國城市通用嘅開支去比較各地生活指數。
從兩個國家分別抽出三個生活指數各有高低嘅城市來比較，以食為例，香港只需要HK$39就食到嘅巨無霸套餐，去到英國同加拿大都漲價1.5倍以上；交通方面，香港開支亦都比英國顯著地低，但同加拿大相比，除左多倫多嘅交通費明顯比其他加拿大城市為高，其餘兩個城市同香港水平都差別不大。然而，當比較樓價時，即使同兩國樓價最高嘅城市相比之下，香港嘅平均樓價仍然係冠中之冠。係倫敦置業，平均只需要香港嘅七成資金就可以，溫哥華更加只係需要六成一，反映如果想移民置業的話，無論去到表入面邊個國家同城市，最初嘅成本都無係香港買一層樓咁高，只係久而久之平均每日生活成本就比香港高好多。簡單來講，移居外地之後，可以用平好多嘅價錢去建立自己嘅安樂窩，但相對日常生活就會畀多左唔少雜費，所以交通、飲食方面都可能要嘗試節儉。
不過，無論每個國家地區邊方面開支高低都好，由於每個人職業、收入以至生活方式都有唔同，建議大家做任何決定之前，先檢視清楚自己技能、負擔能力同埋資金，再決定移民方向同地點都未遲。無論去到邊度生活，最重要係適合自己呀！
相關文章：
【移民英國】必睇11大英國搵工網 畢業生/IT/金融/各行業工作機遇
雅虎於本頁中的角色只是為你提供資訊及商戶連結，而並非買賣一方或其代表或代理。所有資料根據連結內商戶直接提供為準，商戶並可能隨時更改。所有買賣均由用戶及商戶雙方自行負責。
「Yahoo購物」現已推出，我哋將會為你搜羅每日購物情報，話你知最新購飲食嘅著數消息、免費或折扣優惠，幫你慳錢慳時間。
想知仲有咩最筍嘅優惠著數？快啲禁入嚟睇下啦！：https://yahooshopping.myguide.hk/jetso
歡迎提供優惠情報，快啲同我哋一齊搜羅全港優惠著數喇！
