笑到最後｜靠港交所引入新思捷上市振奮人心（高明）

雖然有傳聞SHEIN一直只考慮紐約同倫敦，但未成事唔可以作實。 (SOPA Images via Getty Images)

彭博引述數據，今年首季香港IPO集資額跌三成至47.2億港元，如果社拜皇室親戚兼男高音阿里本來嘅39億港元家族辦公室首季開到單，連埋啲周邊服務加加埋埋本來都有成接近百億港元金融生意額做到，樂觀睇都算唔錯。

下載Yahoo財經APP

美股外幣即時報價 多國新聞任睇

香港賣衫不如賣股票

另一回合，台灣傳媒報導，思捷環球（0330.HK）股價最低一度見0.098港元，變成仙股，同高位87港元比，跌99%，就算近日反彈至0.228港元，都仲係非常低。

思捷係上一代港股代表，香港地產以外衝出國際嘅股份，雖然歐洲業務都有傳媒追查過有疑點，但暫且唔理，起碼去歐洲會見到有賣衫嘅分店，以及股價真係一度升過。

一門生意唔成功，大概分為外在同內在，外在係行業大環境，內在係自己經營。隨後興fast fashion快速時裝，Zara、H&M同Uniqlo，全世界周圍都有，明顯唔關行業事。內在當然好多因素，但一定同香港賣衫不如賣股票、做實業不如做地產嘅深層文化因素。

思捷環球（0330.HK）股價最低一度見0.098港元，變成仙股，同高位87港元比，跌99%。 (SOPA Images via Getty Images)

SHEIN去向成焦點

不過，一雞死一雞鳴，港資唔得，仲有國企，國企股價唔升，又有騰訊（0700.HK），到騰訊同阿里巴巴（9988.HK）變成傳統企業，又有快手（1024.HK）、商湯（0020.HK）等，不過，呢堆新啲嘅股份股價就一般，特別係商湯，全球AI大熱，如果食正熱潮，商湯本應起碼千億美元市值，約23.5港元一股，可惜食唔正。

咁啱上天再賜畀港交所（0388.HK）一隻新思捷SHEIN（註冊名希音），2015年公司主體遷往廣州番禺作服裝加工基地，現總部設在新加坡的中國大陸在線快時尚零售商，主要以美國、歐洲和澳大利亞的客戶為目標，一隻股同時有美國、澳洲、大灣區、新加坡嘅東升，同埋歐洲西降嘅概念。

SHEIN（註冊名希音），2015年公司主體遷往廣州番禺作服裝加工基地，現總部設在新加坡的中國大陸在線快時尚零售商，主要以美國、歐洲和澳大利亞的客戶為目標。 (Scott Olson via Getty Images)

把握大灣區機遇，就係呢隻。雖然有傳聞SHEIN一直只考慮紐約同倫敦，但未成事唔可以作實，港交所如果今年請到SHEIN上市，就可以示範畀全香港人睇點樣把握大灣區機遇。

睇得多新加坡又贏、港人北上消費新聞多，係時候到港交所引入大灣區兼新加坡概念股嚟中國香港上市喇！所以香港真係一塊福地。

高明

facebook

IG

作者簡介︰賺錢係目標，炒股係手段，專欄記載由手段到目標嘅過程。

本欄逢周六刊出