【絕世筍工】2萬蚊請品蠔專員
呢個世界,有品味咖啡、有品酒專員、有品水師等等令人羨慕嘅職業,最近香港仲多咗一個,叫做品蠔專員,而且仲要月入兩萬蚊,問你服未?
你冇睇錯,呢個係香港一間專門賣蠔嘅專門店,佢最近在自己嘅facebook出咗個post,話請品蠔專員,主要職責每日品嚐各款生蠔(不超過20隻),再幫埋隻蠔影靚相,寫返份食評就得啦。就係有把口、有對手,人工就有2萬蚊一個月。再望埋返工時間,仲爽皮,唔止5天工作,返工時間仲只係12時至下午5時。而且入職門檻好低,只要中學程度,能簡單中文書寫,感官正常(包括觸感、視覺、聽覺、味覺及嗅覺),經驗不拘,同埋唔會對生蠔敏感。
一年仲有10日年假,OT有補水,如此筍工,你話邊度有得搵?呢個請人POST出咗只係一星期,已經有5000幾個留言話「飛雲來了」,睇來競爭應該大過大公司嘅MT、甚至政府工?有冇人其實已經獲聘?早啲單聲,等小編死咗條心。
來源︰OCEAN THREE facebook
===================
19網輕鬆爆料熱線,歡迎舉報老細同事19惡行,立即click入去講畀我哋知啦