香港股市 將收市,收市時間:5 小時 39 分鐘

【經一專欄】診所職場事 【寶豬趣聞】配藥 |珍寶豬

珍寶豬

【經一專欄・診所職場事】有日有位女士嬲爆爆咁衝入嚟診所,一嚟到登記處…
佢大大力咁拍張枱:「嗌你醫生出嚟!」
我:「請問有咩事呀小姐?」
佢谷氣到手震,拎出一枝藥水:「呢枝嘢!食到我個女咳呀!」

撰文:珍寶豬

延伸閱讀:

【生活趣談】情人節2019 扒房餐廳推介 7大選擇 最平一人唔使$200

80後女生回收舊木再造家具 每月營業額40萬元|80後創業個案|木一番


我拎枝藥望望:「呢枝?收鼻水藥嚟啊,點解你會覺得係呢枝藥令到你個女咳呀?」
佢:「之前冇咳㗎佢!」
我:「你會唔會同佢嚟睇多次醫生呀?」
佢:「唔會呀!」
咁你嚟做咩呀?想我哋俾咩反應你啊~
我:「你枝藥都上個禮拜啦喎?醫生本身都係開咗兩日藥俾你…有可能小朋友而家已經唔係上次嘅問題㗎啦~」
佢:「係你哋枝藥食到佢咳㗎!」
我:「佢幾時食過呢枝藥呀?」
佢:「咪上星期囉!」
哎喲,你今年大肚會唔會都關早幾年個EX事㗎?
我:「收鼻水藥唔會令人咳嘅,有可能你個女已經係另一次病㗎啦~一係嚟睇多次醫生啦」
佢:「我話咗唔睇呀!」
我:「咁我哋有咩幫到你呀?」
佢拍枱:「開返枝咳藥嚟呀!」
我根據藥水樽上嘅覆診號碼睇睇排版:「小朋友喺度冇食過咳水,我哋冇咳水配返俾你啊,一定要嚟睇醫生㗎,睇完先可以開藥俾你」
佢:「點會冇食過咳水呀?」
我:「你個女喺度睇過一次咋…就係冇咳水…」
佢停一停:「你有咩可能唔俾咳水呀!有咩可能唔開定呀?」
我:「因為嗰時你哋睇醫生冇話咳嘛~」
佢:「細路病親一定咳㗎啦!常識嚟㗎!你哋冇仔生㗎咩?」
係啦係啦,你最叻你最勁啦,有仔生好威威啦~
我:「嗰日我哋出藥俾你都有講啲藥係食咩嘅~你都冇出聲話要咳水嘅,而家就冇得再拎返㗎啦,一定要再睇醫生㗎啦」
佢:「咁又幾錢呀?」
我:「當重新睇過咁收費啊,三百蚊」
佢:「你食屎啦!我去第二間睇好過啦!你哋都弱智㗎!」
『啪!』佢臨別都拍多一次枱。

延伸閱讀:

1月份信用卡精選優惠 酒店自助餐低至$200就食到 |信用卡 2019