美國麥當勞 請人要送iPhone
隨著疫情受控,經濟重啟,外國飲食與服務業均要面對勞動力短缺難題,外國打工仔竟然愈來愈值錢。
事緣外國失業救濟金可觀,唔少打工仔又寧願炒股都唔返工,變相「吊高嚟賣」,繼早前連去面試都有錢落袋後,最新有美國麥當勞分店,竟然推出工作半年送iPhone的招聘福利!雖然睇圖似係舊iPhone,不過據了解新員工只要工作半年表面令管理層滿意,就可以獲贈一部iPhone,而且老麥今轉出手人工早已漲一截,有iPhone點都好過無嘢落袋。老麥官方亦證實該個別分店(在Illinois)提供了此項福利。
美股、外匯、加密貨幣免費即時報價,自選投資組合獲取相關新聞提示
各行各業持續搶人
事實上美銀早已就經濟復甦研究指出,勞動力短缺至少要維持至2022年,即是說各行各業持續搶人,只會愈來愈難請。不同企業各出奇招,提供現金獎勵、加薪已經是常態,Taco Bell決定畀多啲假期,年假足足多了4星期,Chipotle則免費供員工讀degree,提供教育福利等等,只差未有送機票。
香港打工仔靠賣樓賣保險
可惜的是,請人難似乎只係外國現象,反見香港就完全是兩個景象,全港25萬人失業,早前勞工處便有廣告$9000請文員返柴灣,扣除交通費和早午餐,隨時要貼錢打工,有網民感嘆薪金回到30年前的水平,只比「沙士年」好少少。
只不過目前情況來看,AA與保險兩大「救生艇」依然存在,聽講有大型代理今年增聘目標單是新界區都過千人,今個星期六都有招聘會,大家不妨留意下。