老婆叫掃8號仔股票 支持MIRROR

買電盈，等於支持Mirror？

ViuTV「台柱」MIRROR工作無間斷，成為該台最吸金藝人，更成為萬千主婦心頭肉，最新就有老公上網訴苦，老婆鍾意MIRROR到叫佢掃入電盈（#0008HK）股票，最後買咗20萬。

下載Yahoo財經APP

美股、外匯、加密貨幣免費即時報價，自選投資組合獲取相關新聞提示

有散戶稱讚呢位老公「真勇士」

「老婆叫我大手掃入PCCW股票支持Mirror...結果入咗20萬😞😞😞」（$4.1入咗）

有男士稱讚呢位老公「真勇士」，有散戶則建議「收息來買演唱會門票」。可知道，唔少人對4.1呢個價位都未必敢溝/買…明知山有虎，偏向虎山行，可見MIRROR威力巨大，不過老公們跟買之餘，記得提醒老婆要小心有人借MIRROR埋身「唱高散貨」。

家中掛姜濤海報

MIRROR威力無邊，除了叫買股票，話說有老婆把家中巨牆掛上姜濤海報，將屋企變成「主題房」，啟發一班主婦遲早叫老公買MIRROR周邊，家品、牆紙等。

「我老婆嫁左比Mirror導致婚姻破裂關注組」群組有網民上載照片，可見家中已被「姜濤」佔有。

「姜濤枕頭」引起熱話

事實上，「搬屋+家品」業界真係可以考慮搵MIRROR合作，例如力推「Anson Lo」主題房，吸引一班少婦捧場裝修；日本城30週年，母企國際家居零售（#1373HK），會唔會都搵MIRROR合作出家品沖喜一下？恰巧最近有女粉絲自印「姜濤枕頭」引起熱話，品牌如海馬牌，會唔會研究MIRROR系列「飛甩老土」？再搵汪明荃試瞓，滿足消費者將MIRROR帶上床的夢想。

之不過，老婆愈來愈多嘢買，吸金力驚人的MIRROR和花姐當然開心，只是苦了一班老公相當破費了。

相關報道：

• 7厘高息股 電盈買得過

• 「MIRROR導致婚姻破裂」群組出賣家中瘋狂鏡粉 有人掟20萬買股票

• 鎮台「搖錢樹」 同ERROR一樣做到冇停手