誤墮情網賣樓 係唔正常嘅正常？

近日又有一則放盤廣告，講明業主「誤墜情網」賣樓成為網誌熱話。 (Canonmark via Getty Images)

「地產文學」久不久就會成為網民熱話，近日又有一則放盤廣告，講明業主「誤墜情網」賣樓，業主這一著，是否像局長所言，屬於唔正常嘅正常？

下載Yahoo財經APP

美股外幣即時報價 多國新聞任睇

情傾目標可以係物業

業主「誤墮情網」，睇字面大家都會想起近期流行的網上情緣騙局。參考之前的網上情緣騙局，事主被騙去數十萬至數百萬是等閒事，假如事主是透過借貸集資貢獻情傾對象，要填數確實有需要賣樓套現。

不過「地產文學」精粹在於借題發揮，「誤墜情網」對象未必是情人，亦有可能是物業。例如業主趁熱鬧參觀新盤，一見鍾情示範單位，衝動簽約落訂後，驚覺要賣掉自住樓套現，才可以應付新入手物業尾數，否則就要撻訂。這個情況對業主而言，都算是「誤墜情網」需要撲水。

在港樓易跌難升、劈價新盤又源源不絕威脅下，高齡居屋要在海量放盤中脫穎而出難度甚高。 (FangXiaNuo via Getty Images)

不正常市況下「搶眼球」怪招

港樓長升不跌，是以往一段長時間大家習慣的市況。不過睇市眼光獨到又係地產商之一的陳啟宗，早前都坦言香港經濟高峰或已過去，意味港樓或許由易升難跌的「正常」市況，步入易跌難升、業主情感上認為「不正常」的市況。

在港樓易跌難升、劈價新盤又源源不絕威脅下，高齡居屋要在海量放盤中脫穎而出難度甚高。「誤墮情網」業主放盤物業，是位於沙田的嘉田苑，該屋苑在1988年入伙，計年份屬於高齡居屋，同樣是469 方呎，嘉田苑上月有一個低層單位以420萬元成交，現在「誤墮情網」業主放盤索價468萬元，其實不算太低水。假設業主不願大劈價又想「搶眼球」，自爆「誤墮情網」都算是不正常市況下吸客「正常」怪招。

事實證明今次「地產文學」再度報捷，成功引起多間傳媒轉載。不過炒熱話題的代價，可能係會吸引不少純粹想八卦又或趁業主等錢使鋤價的準買家，要應付這批買家，既考驗業主的耐性，亦要有相當鬥志才可以守住議價底線，不過成功沽出的機會相應大增，總較放盤乏人問津來得來得安樂吧。