金融花生│逆市博弈（言平）

面對依家既局面，地產商暫時只能睇餸食飯，都開始減慢整個發展步伐。 (DALE DE LA REY via Getty Images)

阿爺近日頻頻出手救樓市，雖然未肯定可否救到內房，但起碼先贏到投資者鼓掌，睇返近日多隻內房都升得有板有眼，特別係當阿爺係呢個零月內，就已經打出咗好多套組合拳，包括多個地區取消限購，又或者將按揭貸款利率的下限都取消埋，都係為咗令到內房市場盡快回復信心。

下載Yahoo財經APP

美股外幣即時報價 多國新聞任睇

供應量創近10年新高

而深圳河嘅彼岸，財爺係今年份財政預算案中，孤注一擲把自2010年開始實施嘅辣招一次過撤銷後，本地一、二手樓市都出現過一段短期的回暖，不過，始終係市場供應量處於近10年最多水平，面對依家既局面，地產商暫時只能睇餸食飯，都開始減慢整個發展步伐。今年頭4個月預售樓花同意書涉及2,553個單位，比舊年同期4,287個單位少4成。

阿爺撐北部都會區 發展商謹慎

就算有阿爺力撐既北部都會區，發展商都唔敢輕舉妄動，尤其係現在息口仍然未有即刻回落既走勢，樣樣都要諗過度過，好驚開左個頭，但地盤周邊配套趕唔上，到時要捱貴息之餘，資金又遲遲回唔到籠。恒地（0012.HK）就放棄左古洞北及粉嶺北發展區原址換地申請，主要原因就係有關土地未有「七通一平」，發展期需時7年或以上，加上補地價未能與政府達成共識，有關土地將由政府收回。

新地早前亦向傳媒表示，建議政府將洪水橋站附近一帶「商業」用地，改以混合模型發展。 (South China Morning Post via Getty Images)

至於另一大型發展商新地（0016.HK），早前亦向傳媒表示，建議政府將洪水橋站附近一帶「商業」用地，改以混合模型發展，希望將「中央活力區」內40%樓面面積，改劃作「住宅」發展，以打造另一個「九龍站」，並表示若果政府不願意改劃土地用途，將不會參與有關土地發展。

面對樓市低迷，政府最終全面撤辣，並減少出售住宅用地。而北部都會區先後有發展商表態，要求政府進一步提供誘因才參與發展。政府最後會否因應市況，再降多一口價呢？拭目以待。

言平