雅虎香港財經 
香港要靠業主發展創科（石先生）
行過尖沙咀，你總會發現 GUCCI、LV 這類名店門外大排長龍，無不為了虛榮準備大灑銀紙。走去銅鑼灣，你會見到大量女士湧入百貨公司俾錢感謝商戶。當你入舖頭買野只係名店與百貨公司專利嘅時候，原來今時今日喺旺角入間專門店買粒充電池都要排隊，真係太過份。成日有人話香港零售市道唔好，商舖就來捱唔住。請這些人士去呢三個旺區望望，到底 Sales 有幾忙，條街有幾迫。
政府話要發展創科，由創科局到河套區，再到中央財政科技計劃真係好多美好嘅舉動，不過，美好嘅遠景落番地，創科仲係討論緊 Uber 合唔合法，Airbnb 係咪威脅酒店業，騰訊靠手遊賺緊幾多錢，舜宇光學有無得益於蘋果手機等等，與中美對創科的積極態度仍然有一大段距離。
智能手機市場飽和，總銷量下滑，手機廠商淘汰潮開始出現，下一個改變人類生活的科技產品為何物開始有點方向，但香港似乎還沒有為它做任何準備。
繼手機後，被 IoT 包裝起來的智能家居似乎會是下一個改變人類生活嘅科技領域。歐洲有 Philips 不甘於賣慳電膽，轉玩裝飾智能兼備的智能燈光，美國有 Google, Amazon, Apple 鬥玩語音系統，中國也有阿里與騰訊推出智能音箱，希望尋求突破。
香港寸金尺土，四百呎閒閒地六、七百萬，三房單位更能突破千萬，但大廈走廊燈光仍然是長期燈火通明，不懂因人而亮，屋內燈制、窗簾、冷氣調節等也十年如一日，單位與智能家居扯不上關係。怪不得有人說香港居所空有金錢價值，卻無品質可言，畢竟除了家小，家電仍然停留在功能手機的年代。香港搞創科，可能要靠業主法團出手才能成事。
廣告
作者：石先生（科技博客Stone IP）
19＋精選推介
秒like 19+ Facebook！
===============
財經精選資訊網站「中環街市」 臉書粉絲頁
