雅虎香港財經 魚樂無窮│減息預期升溫 都唔會買地產股（唐牛）
恒指繼續玩「估你唔到」遊戲！上星期初行緊一浪低於一浪，以為佢會下試17200終極防守位嗎？上星期尾段即刻來兩棍大陽燭，升穿10天及20天線之餘，更走出down trend，肉酸圖變靚圖。好喇，噚日返番以為上試18500點啦，結果呢？一棍陰燭又殺番落18000點，所以點解我近日會講，寧願揀個股操作，都唔想玩指數。
美股外幣即時報價 多國新聞任睇
長建炒第二上市 寧低吸
美國最新公佈6月CPI回落至3%，低於市場預期的3.1%之餘，按年計更是下跌0.1%，數據令儲局9月減息的機會大幅升溫，減0.25厘的機會最高達9成。消息一出，本港上市的息口敏感股全線反彈，最誇張的必數地產股，單日升幅全線逾半成。不過，由於利率下跌，只能減輕相關板塊的利息支出，對於商廈、商場的需求不會因此提升，住宅需求的刺激作用亦短暫，所以絕不建議買入。
長江基建（1038.HK）日前宣佈，正考慮在不進行任何集資的情況下，將股份在海外證券交易所進行潛在第二及額外上市，以提升公司形象，並提供更廣闊的市場進行股份交易，消息刺激股價創出5年高位，不過，現價股息率只得5厘多，冇貨不宜高追，寧候股息率重上6厘水平才分段吸納。
唐牛
本欄逢周二刊出
